Fuercies Armaes d'India

Fuercies Armaes d'India
Personal de reserva	> 2.500.000
Gastos
% PIB	1,85 %

Les Fuercies Armaes Indies (Devanāgarī: भारतीय सशस्त्र सेनाएं, Bhāratīyá Saśastra Sēnāēn) son les fuercies armaes de la República de la India. Consisten na Armada India, l'Exércitu Indiu y les Fuercies Aérees de la India, toes sofitaes poles Fuercies Paramilitares d'India^[1] como los Assam Rifles, la Indian Coast Guard y la Fuercia Especial de Frontera. A estes inclúyense-y delles instituciones entemedies tales como'l Comandu de Fuercies Estratéxiques.

El Presidente de la India nel Comandante en Xefe de les Fuercies Armaes Indies. Les Fuercies Armaes tán so la xestión del Ministru de Defensa Indiu, que dirixe'l Ministeriu de Defensa de la Unión India.

En 2010, les Fuercies Armaes Indies teníen una fuercia combinao de 1,32 millones de persones n'activu y 1,15 de miembros en reserva. Amás hai qu'añader los 2,28 millones de persones que componen les fuercies paramilitares. Esto fai de les fuercies armaes indies una de les más grandes en términos de personal.

El presupuestu militar indiu foi de 36.030 millones de dólares en 2011, lo que supunxo un 1,83% del presupuestu nacional indiu incluyendo los gastos que supunxo la fuercia paramilitar y les infraestructures necesaries na frontera.^[2]

Les Fuercies Armaes Indies tán siendo sometíes a una rápida modernización^[3] con numberoses investigaciones n'árees como los sistemes de defensa por misiles balístiques o la fuercia nuclear.^[4][5] L'arsenal indio inclúi bombes nucleares con sistemes que dexen atacar cualquier llugar del continente asiáticu (misiles balísticos y fuercies aérees). La so fuercia naval puede controlar rápido cualquier posición del Océanu Índicu en pocos díes y ye considerada una de los meyores del mundu. En 2010 India foi'l mayor importador d'armes del mundu. Los sos principales suministradores fueron Estaos Xuníos, Israel y Rusia.

1. ↑ «http://reportmysignalpm.blogspot.com/2011/07/central-police-forces-and-state-armed.html».
2. ↑ Broadsword (11 de marzu de 2008). Business-standard.com (ed.): «Ajai Shukla: How much is the defence budget?». Consultáu'l 1 d'agostu de 2010.
3. ↑ «https://web.archive.org/web/20081204011543/http://www.iht.com/articles/2007/09/19/news/missile.php?page=2». Archiváu dende l'orixinal, el 4 d'avientu de 2008.
4. ↑ Rabinowitz, Gavin (18 de xunu de 2008). «India's army seeks military space program». The San Francisco Chronicle. http://www.sfgate.com/cgi-bin/article.cgi?f=/c/a/2008/06/18/MNRR11AJK9.DTL&type=science. 
5. ↑ «India successfully tests missile interceptor». Archiváu dende l'orixinal, el 10 de marzu de 2009.